Një aksident i rëndë ka ndodhur në Berat, ku një motor ka përplasur një turiste teksa po kalonte nga njëra anë e rrugës në tjetrën. 20 vjeçarja ndodhet në gjendje kritike për jetën.
Ngjarja ka ndodhur pikërisht tek Ura e Varur, kur motori po qarkullonte nga ulliri drejt Urës së Goricës.
Përplasja ka qënë aq e fortë saqë turistja dhe drejtuesi i motorrit, E.Z,20-vjeç, janë përplasur në asfalt, të plagosur rëndë.
Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore, janë transportuar drejt Spitalit të Traumës në gjendje të rëndë.
Në vendngjarje kanë shkuar forca të shumta policie,që po kryejnë kqyrjen e vendngjarjes,për të konkluduar në shkaqet e aksidentit të rëndë.
