Mustafa: Suedia, partner i rëndësishëm në rrugën evropiane të Kosovës

Kryeministri i Republikës së Kosovës, Isa Mustafa, ka pritur në një takim ambasadorin e parë rezident të Mbretërisë së Suedisë në Kosovë, Henrik Nilsson.

Gjatë takimit,siç thuhet në komunikatë u bisedua për mundësitë e thellimit të bashkëpunimit dhe mbështetjes së Suedisë për Kosovën, transmeton Gazeta Monitor.

“Kryeministri Mustafa vlerësoi lartë faktin se tashmë Suedia përfaqësohet me ambasador rezident në Kosovë, duke shprehur mirënjohjen e Qeverisë dhe të qytetarëve të Kosovës për mbështetjen e vazhdueshme të Suedisë”, thuhet në komunikatë.

Më tej Mustafa e njoftoi ambasadorin Nilsson për progresin në Kosovë si dhe prioritetet e Qeverisë për zhvillim ekonomik, avancimin e proceseve eurointegruese dhe fuqizimin e shtetit.

“Suedia me përkrahjen e saj të shumanshme për qytetarët e Kosovës është shndërruar në një prej shteteve partnere shumë të rëndësishme në rrugën evropiane të Kosovës”, tha kryeministri Mustafa.

Ambasadori i Suedisë në Kosovë, Henrik Nilsson, theksoi përkushtimin e mëtejmë të Suedisë dhe vullnetin për zgjerimin e bashkëpunimit ndërmjet dy shteteve, përfundon komunikata./Gazeta Monitor/

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme