Nisma në Drenas: PDK-ja arrogancën po e përdorë si forcë

Nisma për Kosovën, dega në Drenas, ka vazhduar ta akuzojë kundërshtarin e saj, PDK-në, se po u bën presion qytetarëve.

“PDK-ja arrogancën po e përdorë si forcë për t’i penguar qytetarët për të dalë në votim. Dalja kaq e vogël tregon se qytetarët nuk janë të gatshëm të ballafaqohen me mangupat e PDK-së! Mangupat e shtyrë nga ministra e deputetë, e ish anëtarë të SHIK-ut. Dega e Nismës për Kosovën në Drenas u bën thirrje gjithë qytetarëve të Drenasit, që ta shfrytëzojnë të drejtën e tyre për ndryshim”, thuhet në reagimin e Nismës.