Një 48 vjeçar nga qyteti i Elbasanit ka ndërruar sot jetë në spitalin e Sanatoriumit në Tiranë.
Paraprakisht dyshohet se ka qenë virusi AH1N1, i njohur gjerësisht si gripi i derrit që i ka marrë jetën këtij pacienti.
48 vjeçari ka ndërruar jetë mëngjesin e sotëm, ndërsa ishte shtruar në spital që prej ditës së mërkurë.
Sipas Ora News në “Sanatorium” gjenden gjithashtu edhe dy pacientë të tjerë të prekur nga gripi i derrit, të cilët besohet të jenë infektuar pasi kanë shoqëruar aty 48-vjeçarin që ndërroi jetë.
Gjendja e tyre shëndetësore raportohet të jetë e rëndë.
