Lufta se kush do të marrë mandatin e vetëm të deputetit në qarkun e Tiranës të koalicionit “Nisma Shqipria Bëhet’ vijon. Aktivisti i Adriatik Lapajt kërcënon Endri Shabanin.
Emisioni investigative ‘Piranjat’ në Syri Tv ka mbërritur një audio mesazh ku dëgjohet qartë kërcënimi që i bëhet kreut të Nismës Thurrje.
Në redaksinë e Piranjave ka ardhur një audio mesazh ku dëgjohet qartë kërcënimi që i bëhet kreut të Nismës Thurrje.
“O Endri më dëgjo, dole shumë i pabesë. Po ta thotë shoku jot këtu, dole shumë i pabesë. Do të kushtojë rëndë kjo! Do të kushtojë jashtë mase rëndë! Ne nuk do ta lëmë kurrë, po kurrë Adriatikun vetëm. Kurrë! Adriatiku ka mbrapa një ushtri të tërë. Dakord. Po Ti me ato në rrogozet e tua, bashkë me dajo p…motrën, që do ta gjej, s’ka ku në p… motre të vejë. Ke bërë gabim të rëndë shumë. Të futëm në gjirin tonë…Të futëm në gjirin tonë se besuam por dolët shumë të pabesë. Do shihemi së shpejti. Dajoa s’ka ku në p …të motrës të futet njëherë. Dajoa do ta paguajë shtrenjë, do t’i q….! Do shikosh ti.
Me sa duket ky mund te jetë kërcënimi që Z. Shabani ka përmendur në statusin e tij në rrjetet sociale.
Çfarë shkruante dje Shabani
𝐊𝐞𝐪𝐚𝐫𝐝𝐡𝐣𝐞 𝐩ë𝐫 𝐙𝐨𝐭𝐢𝐧 𝐋𝐚laj!
Ndjej keqardhje nga deklarata e nxituar e Z. Lapaj ku më shpall mua armikun e klasës. Duhet ta kisha menduar se pas sherrit me Arlindin dhe Agronin, kisha mbetur vetëm unë nga fronti i të rinjve.
Gjithësesi për interes publik, dua të sqaroj tre gjëra.
𝐄 𝐩𝐚𝐫𝐚, 𝐦𝐚𝐧𝐝𝐚𝐭𝐢 𝐢 𝐤𝐨𝐚𝐥𝐢𝐜𝐢𝐨𝐧𝐢𝐭 𝐍𝐢𝐬𝐦𝐚 𝐒𝐡𝐪𝐢𝐩ë𝐫𝐢𝐚 𝐁ë𝐡𝐞𝐭 𝐧𝐮𝐤 𝐤𝐚 𝐪ë𝐧ë 𝐤𝐮𝐫𝐫ë 𝐢 𝐀𝐝𝐫𝐢𝐚𝐭𝐢𝐤𝐮𝐭. Z. Lapaj mund të jetë mësuar të përvetësojë punën e të tjerëve, por pa votat e Nismës Thurje, apo pa votat e mia, ai nuk do të ishte bërë kurrë deputet!!!
Në këto zgjedhje për të marrë një mandat në Tiranë duheshin 13500 vota. Adriatiku ka marrë 6436 vota. Kështuqë, ato 7000 votat e tjera janë marrë nga kandidatë të tjerë.
Pra nëse nuk do ishim në koalicion, Shqipëria Bëhet do ishte jashtë Parlamentit. Kështuqë në vend që të më sulmojë Z. Lapaj duhet të më falenderojë!
E dyta, Zeqiri e ka ndihmuar Z. Lapaj të bëhet burrë. Në këto zgjedhje ka patur vetëm një njeri që ka shpallur publikisht dorëheqjen, si një angazhim përballë aktivistëve dhe votuesve, dhe ai është lideri i koalicionit, Z. Lapaj.
Me zë dhe me figurë, në disa media, Adriatik Lapaj është zotuar publikisht, se nëse fitonim vetëm një mandat, ai mandat nuk do t’i takonte atij.
Kjo deklaratë shërbente për të motivuar aktivistët që të punonin për interesin e përbashkët, dhe jo për të bërë Z. Lapaj deputet. Pas zgjedhjeve Adriatiku e drodhi, dhe kjo nuk u pëlqye nga shumë prej nesh, përfshi këtu edhe Zeqirin.
Në fund të fundit, nëse nuk e mban fjalën lideri i koalicionit, çfarë përgjegjësie kanë të tjerët për të mbajtur fjalën?
Prandaj, duke besuar që “burri mbahet nga fjala” Zeqiri e ka ndihmuar Z. Lapaj të mbajë fjalën dhe t’ia kalojë mandatin dikujt tjetër nga partia e tij.
Duhet theksuar kjo: mandatin aktualisht nuk e ka marrë Zeqiri, por Ana Dajko nga Shqipëria Bëhet. Se duke u marrë me ‘dajon’ keni harruar Dajkon.
𝐄 𝐭𝐫𝐞𝐭𝐚, 𝐧ë𝐬𝐞 𝐙𝐨𝐭𝐢 𝐋𝐚𝐩𝐚𝐣 𝐧𝐮𝐤 𝐦𝐛𝐚𝐧 𝐩ë𝐫𝐠𝐣𝐞𝐠𝐣ë𝐬𝐢 𝐩ë𝐫 𝐯𝐣𝐞𝐫𝐫𝐢t 𝐞 𝐭𝐢𝐣, 𝐩ë𝐫𝐬𝐞 𝐝𝐮𝐡𝐞𝐭 𝐭ë 𝐦𝐛𝐚𝐣 𝐮𝐧ë 𝐩ë𝐫𝐠𝐣𝐞𝐠𝐣ë𝐬𝐢 𝐩ë𝐫 𝐝𝐚𝐣ë𝐧 𝐭𝐢𝐦? Prej kohësh kemi pranuar që përgjegjësia është individuale.
Dhe në fakt, si njeriu që firmosi listat, dhe që i vonoi dëri në 12 të natës, Z. Lapaj ka përgjegjësinë totale që gabimisht e futi Zeqirin në listë të mbyllur, duke e zëvendësuar me Majlina Zikon.
Tani më kërkon mua përgjegjësi për një çorbë që e gatoi vetë!
Zeqiri është 60 vjeç burrë, dhe nuk mund të përdoret as nga unë, por as nga Adriatiku. Ai ka dinjitetin e tij, dhe kur pa që Adriatiku po luante lojra, reagoi. Ndërkohë që unë përpiqesha të qetësoja situatën, Z. Lapaj zgjodhi rrugën e presionit. Dhe kur Zeqiri u përball me kërcenime ndaj fëmijëve të tij, vendosi të mos kthehej mbrapsh.
Të jem i sinqertë, unë nuk kam qënë dakord me sjelljen e Zeqirit, por kur shoh se si akoma pa pushtet këta janë të gatshëm të të kërcënojnë fëmijët nuk di çfarë të them.
Në fund të ditës, ne nuk po luftojmë që të zëvendësojmë ujqërit e vjetër me këlyshë të rinj që të vrasin për pushtet. Po luftojmë që politika të ketë një tjetër fytyrë: të ndershmërisë dhe fjalës së mbajtur.
Për një gjë më vjen thellësisht keq: se me këtë papjekuri dhe etje për pushtet po vrasim shpresën! Është fatkeqësi.
Beteja për mandatin, edhe dajo e teze pjesë e luftës
Telenovela me mandatin e Nisma Shqipëria Bëhet, argëtoi pa masë shqiptarët, pasi ky koalicion ishte zotuar se do të kandidonin me lista të hapura, por daja i Endri Shabanit e sabotoi këtë mënyrë kandidimi, duke “djegur” Adriatik Lapajn, më të votuarin e koalicionit, ndërkohë që nuk ka fituar mandat as për vete dhe as për nipin Shabani, pasi vetë renditet i nënti, ndërsa Endri Shabani ka vota minimale.
Në lojë është futur dhe ‘tezja’ e Adriatik Lapaj, e cila rezulton e para në listën e mbyllur të “Nisma Shqipëria Bëhet” dhe mund të “hakmerret” për nipin e lënduar. Ana Dajko, e para në listën e mbyllur mund të jetë asi nën mëngë i Lapajt për tu “hakmarrë” ndaj Shabanit që po kërkon t’i prishë ëndrrën për deputet.
Një ditë më parë Lapaj iu drejtua me një letër KQZ-së, ku i kërkon të mos pranojë në bllok kërkesat e kandidatëve të listës së mbyllur për të hequr dorë nga dorëheqjet e depozituara më herët prej tyre. Ai thotë se çdo ndryshim i qëndrimit për të marrë mandatin është pa efekt ligjor, përsa kohë ata kanë hequr dorë nga kandidimi para se të niste numërimi i votave.
© SYRI.net
