Kapiteneria e portit të Shëngjinit ka vendosur të enjten të pezullojë lundrimin në det për shkak të kushteve të këqija atmosferike me shi dhe erëra të forta.
Prej mesditës së sotme mjetet lundruese të të gjitha llojeve janë ankoruar në port, ndërsa deri në orët e pasdites shpejtësia e erës ka qenë 20m/s.
Moti i keq ka shkaktuar problematika në disa qytete të ndryshme të vendit.
Ndërkohë, moti i keq ka përfshirë qytetin bregdetar të Vlorës, çka ka sjellë pezullimin e lundrimit të trageteve të linjës Vlorë-Brindisi-Vlorë, mjeteve të vogla dhe anijet e peshkimit.
Njoftimi i plotë:
Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj për datat 30 mars 2022 deri ne datën 01 prill 2022 do të jetë në drejtimin JUG-JUGPERENDIM dhe JUG-JUGLINDJE në forcën 4-5bft 08-10m/s brenda gjirit të Vlorës dhe jashtë gjirit të Vlorës në forcën 6-7 deri 8bft 25-40m/s me lartësi dallge nga 2.50 deri 4.50 metra.
1.Janë pezulluar tragetet e linjës Vlorë-Brindisi-Vlorë.
2.Janë pezulluar mjetet e vogla lundruese.
3.Janë pezulluar anijet e peshkimit.
4.Përmisimi i situatës meteorologjike të përkeqësuar në gjiun e Vlorës dhe jashtë saj për mjetet e vogla lundruese dhe të peshkimit do të jetë në datën 01.04.2022 ora 22:00.
