Presidenti i Kosovës, Hashim Thaçi në vazhdën e dekorimeve të personaliteteve të ndryshme, sot ka dekoruar me Medaljen Presidenciale Jubilare të dhjetëvjetorit të pavarësisë Bujar Dugollin.
Dugolli, sipas Thaçit, është dekoruar për kontributin e tij si Kryetar i Unionit të Pavarur të Studentëve, si pjesë e Konferencës së Parisit më 1999 dhe për punën e tij akademike
“Për kontributin e tij si Kryetar i Unionit të Pavarur të Studentëve, si pjesë e Konferencës së Parisit më 1999 dhe për punën e tij akademike, sot e dekorova me Medaljen Presidenciale Jubilare të dhjetëvjetorit të pavarësisë edhe Bujar Dugollin”.
“Lëvizja studentore kontribuoi shumë në ngritjen e motivit dhe mobilizimin e studentëve për t’iu bashkuar luftës çlirimtare”, ka shkruar Thaçi./Lajmi.net/
