William Walker, ka qenë i ftuar në emisionin “Personale” në televizionin Dukagjini. Gjatë emisionit, ai të kaluarën e aktualitetet politike në Kosovë.
Ndër tjerash, përcjell Telegrafi, ai është pyetur edhe për figurën e Albin Kurtit, (prej minutës 44) rreth takimit të parë me të, dhe rreth asaj çfarë mendon tani për të, gjegjësisht filozofinë e tij.
“E kam takuar për herë të parë kur ishte e Adem Demaçin si përfaqësues të UÇK-së”, ka treguar Walker.
Ai gjithashtu ka folur edhe rreth kohës kur Kurti ishte pjesë e Lëvizjes Vetëvendosje, atëherë kur ky subjekt funksiononte si Lëvizje.
“Në kohën kur subjekti i tij ishte lëvizje ndodhën disa gjëra, kishte të vrarë në një protestë dhe Vetëvendosje që kërkonte drejtësi. Pyeta në ambasadën amerikane se a keni folur me Albin Kurtin si mund të bëhet një hetim i pavarur?! Më thanë që nuk flasim me Albin Kurtin. Ishte ambasadori Dell që më tha se kur të bëhen parti dhe të garojnë për votën, atëherë do të flasim me ta. Edhe pasi u bënë parti komuniteti ndërkombëtarë ende i vlerësonin si të dhunshëm”.
“Unë admiroj njerëzit që i mbrojnë qëndrimet e veta dhe të gjithë e dimë se sa shumë Albin Kurti i mbron qëndrimet e tij. Ai nuk ndryshon prej kur ka studiuar. Nuk është e mirë kjo – kaq e tepruar. Sepse je në politikë”, ka rrëfyer Walker.
“Nuk jam takuar që disa vite me Albinin. Nuk jam me Vetëvendosjen. Pajtohem me disa gjëra që thonë ata, por kam edhe shuam mospajtime”, ka treguar në fund ambasadori Walker.
