Zbulohen trafikantët shqiptarë, italianë e rumunë. 2 ton drogë me motoskaf, 5 mln euro pasuri

Pas tre viteve hetime në atë që u quajt “Operacioni 100 %”, Guardia di Finanza në Rimini ka arrestuar autorët e një trafiku ndërkombëtar të drogës, një bandë kriminale me italianë, shqiptarë dhe rumunë.

Sipas hetimeve, trafikantët e transportonin drogën me motoskaf dhe komunikonin me kode për të mos u zbuluar.

Në total, janë sekuestruar 10 kilogramë kokainë, 90 kilogramë heroinë dhe dy ton marijuanë, ndërsa janë vënë në pranga 16 persona.

Konfiskimi i pasurisë së pjesëtarëve të bandës kriminale të trafikut të drogës, shkon rreth 5 milionë euro.