Kryetari i Komunës së Skenderajt, Bekim Jashari, ka shpërthyer sot në akuza ndaj ish-kryetarit të kësaj Komune, Sami Lushtakut. Përveçse e ka akuzuar për bllokim të punës së Komunës së Skenderajt, ka thënë se Lushtaku gjatë luftës “i ka lënë babën dhe mixhën e tij në Kosovë ndërsa vetë ka ikur në Gjermani”
Ai ka thënë se po sabotohet nga Lushtaku, i cili e ka orkestruar këtë veprim me partitë opozitare.
“Mu më befasoi fakti sot se pse 3 këshilltarët e AKR-së nuk erdhën, që kanë qenë në seancën e fundit… pse iu bashkëngjiten këtij grupi… se Sami Lushtaku nuk më befason aspak. Sami Lushtaku edhe babën edhe mixhën tem në 93-ën i ka lonë. 5 vjet ka ikë në Gjermani. S’më befason ai, sepse është po ai Sami që ka qenë atëherë”, ka thënë Jashari.
Ndryshe, Jashari ka thënë se sot një pjesë e këshilltarëve komunalë kanë lëshuar seancën dhe duke bllokuar punimet.
“Fillimisht një pjesë këshilltarëve komunalë nga radhët e PDK-së lëshuan seancën e datës 30 janar, duke bllokuar zgjedhjen e komiteteve funksionale obligative për funksionimin e Kuvendit, por në bashkëveprim me këshilltarët e partive të tjera arritën të bllokojnë zgjedhjen e këtyre komiteteve. Sot vazhdimin e seancës e bllokuan edhe një pjesë e këshilltarëve. Qeveria e kaluar nuk e ka parë të arsyeshme që në plan zhvillimor për pesë vite, nga 2017 deri në 2021 të mos ndajë më shumë se 6 hektarë parcelë si zonë ekonomike dhe atë ku në Runikë, duke pasur hapësira të mjaftueshme dhe vende më të mira dhe më joshëse për investim”, ka thënë Jashari.