Chelsea dhe Arsenali monitorojnë situatën e Bennacerit te Milani.
Ismael Bennacer dhe agjenti i tij Enzo Raiola po përgatiten për bisedime për rinovimin e kontratës me Milanin, një situatë që Chelsea dhe Arsenali thuhet se po e ndjekin nga afër.
Mesfushori 25-vjeçar algjerian është një pjesë e rëndësishme e skuadrës së Stefano Piolit në kryeqytetin e Lombardisë dhe me rreth 18 muaj të mbetur në kontratën e tij me kuqezinjtë, klubi dëshiron ta lidhë atë me një marrëveshje të re.
Bennacer kohët e fundit ndërroi agjentët nga Moussa Sissoko te Raiola, me shpresën për të arritur një marrëveshje rinovimi me Milanin.
Sipas Calciomercato.com, prioriteti aktual i Bennacer është të nënshkruajë një marrëveshje të re me Milanin, por ai pret një pagë rreth 4.5-5 milionë euro neto në sezon plus bonuse, pagë e ngjashme me shokun e skuadrës Theo Hernandez.
Chelsea dhe Arsenal janë të dy klubet e interesuara për nënshkrimin e 25-vjeçarit, por ende nuk kanë planifikuar ndonjë bisedë me agjentin e tij Raiola.
Bisedimet për rinovimin e kontratës do të zhvillohen së shpejti, por nëse gjërat nuk shkojnë sipas planit, atëherë dy klubet e Ligës Premier mund të nisin një përpjekje serioze për të siguruar nënshkrimin e tij në muajt e ardhshëm.
