Në një lajm ekskluziv për portalin Almakos marrim vesh nga burime të brendshme nga Ministria e Punëve të Jashtme të Maqedonisë së Veriut se në muajin shtator është dëbuar përsëri një diplomat i lartë rus.
A.G. sekretar i dytë, u largua nga Maqedonia edhe pse mandati i tij mbaronte me 31.12.2022.
Kjo gjë u bë për shkak të presionit të madh ndaj tij prej intelegjencës maqedonase dhe në heshtje të “dakorduar” ai u largua nga vendi.
Përndryshe, A.G. si sekretar i dytë mandatin në Maqedoninë e Veriut e ka filluar në shtator të vitit 2019.
Para ca kohësh , portali Almakos ka raportuar se nga Maqedonia e Veriut u patë dëbuar përsëri një diplomat tjetër rus për veprimtari dhe veprime të pahijshme diplomatike.
Po ashtu nga Maqedonia është larguar edhe zëvëndës atasheun ushtarak A.Sh., i cili sipas burimeve tona ka bërë veprime të pahijshme diplomatike.
Lufta diplomatike që Rusia po mundohet ta shtrijë në Maqedoninë e Veriut është ashpërsuar sidomos pas anëtarësimit të Maqedonisë së Veriut në NATO./Almakos/
