Shkrimtari dhe publicisti shqiptar nga Maqedonia, Kim Mehmeti ka kritikuar debatin pas vizitës së kryeministrit Edi Rama në Beograd.
Ai i ka ftuar analistët dhe politikanët nga Shqipëria dhe Kosova që të kenë kujdes me fjalën e tyre publike dhe të mos prodhojnë përçarje në mes të shqiptarëve.
Sipas tij, zhurma mediatike e krijuar tregon edhe për stereotipat krahinore, fetare e dialektore që i kanë krijuar shqiptarët për njëri-tjetrin, shkruan Epoka e Re.
Mehmeti ka vlerësuar paraqitjen e Edi Ramës në Serbi, duke thënë se burrështetasit shqiptarë duhet të nxiten të mendojnë dhe të veprojnë ‘shqip’ dhe sa herë që u jepet rasti, të kontribuojnë në të mirën e gjithë shqiptarisë.
