Vazhdon horrori në SHBA: I gjithë qyteti mbyllet në shtëpi, shkaku i këtij personi (Foto)

Nuk po mund ta kapin assesi. Policia amerikane është ngritur në këmbë për ta kapur vrasësin e pamëshire i cili po i transmeton “live” vrasjet që po i kryen.

Pas raportimeve te shumta të mediave, qytetarët e Klivlendit në Shtetet e Bashkuara të Amerikës janë mbyllur nëpër shtëpitë e tyre nga frika se mund të bien në dorën e tij.

I dyshuari akuzohet të ketë vrarë një mashkull tjetër në një transmetim të drejtpërdrejtë në Facebook, në pasditen e së dielës.

Vrasja ka ndodhur në lagjen Glenvill të qytetit, ka bërë të ditur zëdhënësja e Policisë, Jennifer Ciaccia.

Sulmuesi i akuzuar, Steve Stephens, ka transmetuar krimin drejtpërdrejt në Facebook, përcjellExpress.

Videoja e vrasjes ka mbetur në rrjetin social për gati tri orë, para se të hiqej nga Facebook. Faqja e tij po ashtu është mbyllur.

Stephens ka transmetuar edhe një video tjetër, ku ai shihet duke pohuar se ka vrarë edhe njerëz të tjerë.

Vrasjet e tjera të supozuara nuk janë verifikuar ende, ka njoftuar Policia.